(1926) Obediencia lloca

link

-Has d'arrincami 'l corazón -dicía-
si ves que non te quiero. Y perxuraba
el falsón, fasta ver cómo alloriaba
la probe Soledá, que lu quería...

El cielu maldició al picardía...
que d'escarñu a la ñena trestornaba...
y, pocu allá, 'l demorgu acostinaba
col gandul, que bastió una polmonía.

Sole, 'n metá un boréu de llocura
dos o tres dis dempués de fer 'l intierru,
la cadarma buscó na sepoltura,
esgazoi la pechuga con un fierru,
sacoi el corazón pe l'abridura
y llevolu pa casa... y choilu a un perru